Alt vi har på biblioteket kan du også finne på internett, i katalogen,

når du trykker på denne teikninga:

Om du leitar etter ei bok eller ein film kan du
skrive søkeordet inn i ruta der det står søk.

Søkeordet kan vere det boka heiter (tittel): Charlie og sjokoladefabrikken
Det kan vere namnet på den som har dikta boka (forfattar): Roald Dahl
Eller det kan vere om noko som du er interessert i (emne): hest

Når du har funne det du leitar etter, står det på høgre side kva bibliotek som har det.

Spør dei som jobbar i biblioteket (bibliotekaren) om du kan få låne boka med ein gong, eller om du må vente fordi det er andre som låner den.

Viss bibliotek ditt ikkje har det du spør etter, kan bibliotekaren låne det til deg frå eit anna bibliotek (fjernlån).

Visste du at midt i Bergen finst eit hus med eit flott opplevingssenter? Det er nesten som eit leikeland eller ein familiepark som er under tak. Masse apparat som du kan eksperimentere med. Sjølv om det er utstyr som du kan bruke som eit leiketøy, er det eigentleg leiker som fortel oss noko om verkelegheita, og faktisk er du vorte litt klokare når du går heim att enn du var då du kom. Du kan jo for eksempel prøve korleis det er å vere på havbotnen, og du kan få vere i eit TV studio og presentere vermeldinga. Høyres dette bra ut, eller? Og så er det eit kamera der som finn ut kvar på kroppen du er varmast. Trudde du at du er like varm på nasa som på kneet kanskje? Feil! Det er så mykje kjekt å vere med på at du lyt nok gå der mange gonger viss du vil verte kjend med alt. Kvar dette er?? VilVite-senteret vel!