Hobby og fritid

PÅ JAKT UNDER HAVOVERFLATA

Skrive av Anne E. Waage
fredag 13. mars 2009 13:49
Har du lyst til å gå på jakt nede i havet? Då kan du gå på kurs og læra deg fridykking og undervannsjakt ! Ei spennande verd! Simen Wilberg og Therese Trefall, som er ivrige fridykkarar og medlemmar av dykkarklubbenNORDIC FREEDIVERS vil gjerne at endå fleire får vite om sporten dei driv. Nede i sjøen i Nordhordland kan ein oppleve fantastiske ting, seier dei. Der finst det eit enormt liv! Sinnsyke fargar, ei mengd ulike plantar, dyr og fisk og skiftande årstider, akkurat som på land. Dei fiskane ein helst finn i sjøen i Nordhordland er torsk, sei, lyr,steinbitt og breiflabb. Ikkje alle veit at den første meteren ned i sjøen, er det området på jordkloda der det finst mest liv! Kurs i fridykking og undervannsjakt Ivrige fridykkarar i Nordhordland har gjort det muleg for folk flest å læra seg fridykking og undervannsjakt. Fridykking går ut på at ein ikkje brukar surstoffapparat når ein dykker, men berre sin egen pust. Dette kan sin læra seg ved å gå på kurs. Kursa i Nordhordland vert arrangerte av "Frivannsliv". Kursa som vert haldne ein gong i månaden, varar i tre dagar og kostar rundt halvannan tusen kroner. For den prisen får du teorikurs, øving i basseng og i sjøen, leie av alt utstyret du treng under opplæringa, bok og DVD om dykking og sertifikatavgift for fridykkarsertifikat. Kan kven som helst driva med fridykking? Ja, seier Simen og Therese. Om ein ikkje har altfor mykje vannskrekk og ellers er frisk og i vanleg form, kan ein driva med fridykking. Det koster nokre kroner å kjøpa det utstyret ein treng, men for vel fire tusen får ein alt ein treng til både dykkinga og undervannsjakta. Og folk fortel om mange spennande opplevingar under vatn. Dei kan ein lesa om på heimesidene til Frivannsliv eller ein kan bli medlem og laga seg ein profil på medlemssiden til Nordic freedivers og chatte med dei andre som driv med fridykking og jakt i sjøen. Og til sommaren kjem det eit nytt blad, "Undervannsjegeren." Der kan du lesa meir! Dykking på nett: http://www.aasane.fhs.no/index.php/ocean-extreme http://www.frivannsliv.no/ http://www.ndf.no/t2.asp http://www.fridykking.net/
Sist oppdatert fredag 17. april 2009 09:42

Snowboard - snøbrett

tysdag 03. mars 2009 00:00

Visste du at Noreg er i verdseliten i snowboard?
Og at Torstein Horgmo nyleg fekk sølv i New York,
mens Terje Håkonsen vant prisen for beste trick.

Eg har stor respekt for alle som vågar å kjøyre snøbrett, men eg har hørt at det skal vere lett
og at det går mykje raskere å bli ein god snøbrettkjøyrar enn ein stødig alpinist.
Risikoen for skadar skal vere ganske liten og snøbrettkjøring er gøy heilt frå starten.
Det dreier seg visst mest om å overvinne frykt.

Ønskjer du å lese om snowboard (snøbrett), kan du spørje etter bøker på biblioteket eller søkje i bibliotekkatalogen.

Snowboard! av Matt Barr er ein bok i serien "Ekstremsport", og her får du vite litt om utstyr, teknikk og kordan man tek tak i skiheisen.
Det er ein del utstyr som skal til for å kjøyre snøbrett, som støvlar, brett og bindingar.

I spesialbutikkar vil du få gode tips om kva utstyr som passar for nybegynnar og for ein som er meir dreven.
Kanskje lurt å låne utstyr først og sjå om dette er noko for deg.

I Nordhordland kan du prøve deg i Stordalen Skisenter i Masfjorden.

Elles er det skisenter på Kvamskogen, i Eikedalen og Furudalen, på Voss og Myrkdalen.
Trente snøbrettkjøyrare likar gjerne å kjøyre utfrå toppar i løssnø og då kan Gullfjellet,
Bergsdalen og Mjølfjell vere aktuell.

Det blir stadig fleire som køyrer snøbrett og kanskje ein av dei er deg?
Lukke til i bakken, med eller utan trick!

Sist oppdatert torsdag 27. august 2009 13:21

Hovudmeny

Besøkande